ⵎⴰⵙⵙ ⴰⵏⴱⴱⴰⴹ ⵉⵡⵇⵇⵔⵏ ⵏ ⵜⵎⵏⴰⴹⵜ ⵏ ⵕⵕⴱⴰⵟ - ⵙⵍⴰ - ⵇⵏⵉⵟⵕⴰ;
ⵎⴰⵙⵙ ⴰⵏⵙⵙⵉⵅⴼ ⵉⵡⵇⵇⵔⵏ ⵏ ⵜⵎⵏⴰⴹⵜ ⵏ ⵕⵕⴱⴰⵟ - ⵙⵍⴰ - ⵇⵏⵉⵟⵕⴰ;
ⵉⵔⵏⴰⵡⵏ ⵉⵏⵓ, ⵉⴷ ⵎⴰⵙⵙ ⵉⴱⵕⵍⴰⵎⴰⵏⵉⵢⵏ ⵉⵡⵇⵇⵔⵏ;
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵡⵇⵇⵔⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵜⵎⵏⴰⴹⵜ ⵏ ⵕⵕⴱⴰⵟ - ⵙⵍⴰ - ⵇⵏⵉⵟⵕⴰ;
ⴰⴳⴷⵓⴷ ⴰⵏⴼⴽⴰⵢ;
ⵉⵙⵙⵓⵙⵎ ⵉⵢⵉ ⴰⴷ ⴷⵔⵓⵖ ⴳ ⵓⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵜⵉⵏⴰⵡⵜ ⴰⴷ ⵜⴰⵙⴳⵓⵎⴰⵏⵜ ⵜⴰⵏⵎⵏⴰⴹⵜ ⵏⵏⴰ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵙ ⵜⵎⴷⵔⴰⵡⵜ ⴰⴽⴷ ⵜⵎⵏⴱⴰⴹⵜ ⵏ ⵕⵕⴱⴰⵟ - ⵙⵍⴰ - ⵇⵏⵉⵟⵕⴰ ⴳ ⵉⵎⵔⵙⵉ ⵏ " ⵜⵉⵍⴰⵍⵜ ⵏ ⵜⵎⵏⴰⴹⵜ ⴳ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⵥⵕⵉⵏ ⵏ ⵜⵏⴽⵔⴰ ⵙ ⵓⵙⵙⴰⵔⵓ "; ⵍⵍⵉ ⵉⴳⴰⵏ ⵢⴰⵜ ⵜⵉⵏⴰⵡⵜ ⵜⴰⵙⵎⴰⵜⵜⴰⴳⵜ ⵏ ⵜⵡⵓⵔⵉⵡⵉⵏ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵡⵉⵙ ⵙⵎⵎⵓⵙ ⵏ ⵜⵎⵏⴰⴹⵉⵏ ⵏⵏⴰ ⵖⴰ ⵉⵜⵜⵓⵙⵏⵎⴰⵍⴰⵏ ⴰⵙⵙ ⵏ 20 ⴷⵓⵊⴰⵏⴱⵉⵔ 2023 ⴳ ⵉⵎⵔⵙⵉ ⵏ "ⵓⵙⴷⵔⴼⵉ ⵏ ⵜⴳⵎⵉ ⵜⴰⴷⵎⵙⴰⵏⵜ ⴳ ⵉⴳⵔⴰⵏ ⵉⵎⵓⵔⴰⵏⵏ".
ⴰⵍ ⴷ ⵉⵜⵜⴰⵙ ⵓⵙⵜⴰⵢ ⵏ ⵉⵎⵔⵙⵉ ⴰⴷ ⴳ ⵓⵎⵏⴰⴹ ⵏ ⵓⴹⴼⴰⵕ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵏ ⵜⵎⵏⴰⴹⵉⵏ, ⵏⵏⴰ ⵉⴳⴰⵏ "ⵢⴰⵏ ⵓⴱⵕⵍⴰⵎⴰⵏ ⵏ ⵜⵎⵏⴰⴹⵉⵏ" ⴷ ⵢⴰⵏ ⵓⵙⴰⵜⵉ ⴰⵎⵔⵙⴰⵍ ⵏ ⵓⵎⵙⴰⵡⴰⵍ ⴷ ⵓⵎⵔⴰⵔⴰ ⵏ ⵜⴰⵏⵏⴰⵢⵉⵏ ⴳⵔ ⴰⴽⴽⵯ ⵉⵎⵙⴽⴰⵔⵏ ⵉⵎⵏⵜⴰⵢⵏ ⵙ ⵓⵣⵣⴳⵉⵔ ⵏ ⵜⵙⴰⵡⵔⵜ ⵜⴰⵏⵎⵏⴰⴹⵜ ⵜⴰⵎⵣⵣⵉⴳⵣⵜ, ⵉ ⵓⵢⵏⵏⴰ ⵉⵜⵜⵓⵜⵔⴰⵔⵏ ⵙⴳ ⵓⵙⴳⴳⴷ ⴰⵢⴷ ⵓⴹⴼⴰⵕ ⵏ ⵜⵙⵔⴰⵡⵜ ⴰⴷ ⵏ ⵓⵙⵓⵖⴷ ⵉ ⵎⵉ ⵉⵜⵜⵓⵙⵔⵙ ⵓⵖⴰⵡⴰⵙ, ⵏⵏⴰ ⵉⵙⵖⴰⵡⵙⴰⵏ ⵉ ⵢⴰⵏ ⵓⵙⴷⵓⵙ ⴰⵙⵓⵍⴰⵏ ⵃⵎⴰ ⴰⴷ ⵉⵙⴷⵓⵙ ⵜⵉⵔⵙⴰⵍ ⵏⵏⵙ, ⴷ ⵓⵙⴱⵏⵏⴷ ⵏ ⵓⵢⵏⵏⴰ ⵉⵥⵉⵍⵏ ⵉⴳⴳⵓⴷⵉⵏ ⵏⵏⴰ ⵅⴼ ⵎⵉ ⵉⴽⵎⵓⵎⵎⵛ, ⴳ ⵜⵣⵡⵓⵔⵜ ⵏⵏⵙⵏ ⴰⵙⴱⵓⵖⵍⵓ ⵏ ⵓⵏⴳⵔⴰⵡ ⵏ ⵓⵏⴱⴰⴹ ⴰⵎⵓⵔⴰⵏ ⴷ ⵓⵙⴱⵓⵖⵍⵓ ⵏⵏⵙ, ⴷ ⵓⵙⵎⵔⵙ ⵏ ⵜⵥⵥⵉⴹⵕⵉⵡⵉⵏ ⴰⴽⴽⵯ ⴷ ⵉⵇⵇⴰⵏⵏ ⴰⵎⵏⴰⵍⴰ ⴷ ⵜⵏⵥⵕⵉⵏ ⵏ ⵜⴳⵎⵉ.
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ;
ⴰⵙⵙ ⴰⴷ, ⴹⴰⵕⵜ ⵏ ⵜⵓⴳⵜ ⵏ ⵉⵙⴳⴳⴷⵏ ⵏ ⵜⵎⵔⵙⴰⵍ ⵉⴹⴼⴼⴰⵕⵏ ⵉⵣⴷⵉⵏ ⴷ ⵓⵙⴽⴽⵉⵏ ⴰⴷ, ⴰⵎⵣⵡⴰⵔⵓ ⵏⵏⵙⵏ ⴷ ⵜⴰⵙⵖⵣⵏⵜ ⵏ ⵢⴰⵜ ⵜⵏⵜⵜⴰⵎⵜ ⵜⴰⵏⴰⵎⵓⵔⵜ ⵜⴰⵎⴰⵢⵏⵓⵜ ⵉ ⵓⵙⵙⴰⵔⵓ ⵏⵏⴰ ⴳ ⵎⵉ ⵉⵍⵍⴰ ⵢⴰⵜ ⵜⴰⵙⵓⵜ ⵜⴰⵎⴰⵢⵏⵓⵜ ⵙⴳ ⵜⵎⴳⴳⵉⵢⵉⵏ ⵜⵉⵎⵙⵙⵓⴳⴰⵔ ⵎⵉ ⵉⴳⴰ ⵓⵡⵜⵜⴰⵙ ⵏⵏⵙⵏⵜ ⵜⴰⵏⴽⵔⴰ ⵙ ⵓⵙⵙⴰⵔⵓ, ⴹⴰⵕⵜ ⵏ ⵎⴰ ⵜⴻⵜⵜⴰⵡⵙⵖⵣⴰⵏ ⴳ ⵜⵉⵣⵉ ⵉⵣⵔⵉⵏ ⵢⴰⵜ ⵜⵏⵜⵜⴰⵎⵜ ⵜⴰⵏⴰⵎⵓⵔⵜ ⵏ ⵜⴰⵔ ⵜⵉⵏⵏⵓⵎⵙⴰ ⵜⴰⵎⵙⵙⵓⴳⵓⵔⵜ ⴷ ⵓⵙⵓⴼⵖ ⵏ ⵢⴰⵏ ⵓⵎⵕⵚⵓⵎ ⵉⵥⵍⵉⵏ ⵙ ⵓⵙⴳⴳⴷ ⵏ ⵡⴰⵎⵎⴰⵙⵏ ⵉⵏⵎⵏⴰⴹⵏ ⵏ ⵓⵙⵙⴰⵔⵓ ⴷ ⵓⵙⵔⵓⵙ ⵏ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⵉⵎⵓⵏⵏ ⵏ ⵓⵙⵙⴰⵔⵓ, ⵉⵙ ⴷⵉⵏ ⵢⴰⵏⵏⴰⵢ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵉⵎⵛⵛⵔⴽⵏ ⵏⵏⵙ ⵉⵎⵔⵙⴰⵍⵏ ⴰⴷ ⵙⴷⴷⵉⴷⵏ ⴳ ⵓⵙⴳⴳⵯⴰⵙ ⴰⴷ ⵅⴼ ⵡⴰⴷⴷⵓⵔ ⴷ ⵜⵉⵍⴰⵍⵉⵏ ⵏ ⵜⵎⵏⴰⴹⵜ ⴳ ⵜⴷⵉⵏⴰⵎⵉⵜⴰⴷ, ⵙⴳ ⵜⵖⵎⵔⵜ ⵏ ⵓⵙⵎⵙⴰⵙⴰ ⴷ ⵓⵙⵎⵎⵣⴷⵉ ⴷ ⵜⴳⵎⵉ ⵜⴰⴷⵎⵙⴰⵏⵜ ⵢⵓⴷⴼⵏ ⴳ ⵓⵎⵏⴰⵍⴰ ⵏ ⵜⵏⵥⵕⵉⵏ ⵏ ⵓⵙⵓⴷⵔⵙ ⵏ ⵉⵙⵏⵓⵃⵢⵓⵜⵏ ⵏ ⵉⴳⵔⴰⵏ.
ⵙ ⵓⵙⵎⵎⵣⴷⵉ ⴷ ⵎⴰ ⵉⵣⵔⵉⵏ, ⴷ ⵎⴰ ⴷ ⵢⵉⵡⵉ ⵓⵙⴳⴳⴷ ⵏ ⵓⵎⵕⵚⵓⵎ ⵉⵥⵍⵉⵏ ⵙ ⵓⵙⵡⵓⵜⵜⵓ ⵏ ⵓⵙⵍⴳⵏ ⵏ ⵓⵙⵎⴰⵔ ⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⵏⵎⵏⴰⴹⵜ ⵃⵎⴰ ⴰⴷ ⵢⵉⵍⵉ ⵓⵙⵎⵙⴰⵙⴰ ⴷ ⵜⵙⵔⵜⵉⵜ ⵏ ⵜⴰⵔ ⵜⵉⵏⵏⵓⵎⵙⴰ ⵜⴰⵎⵙⵙⵓⴳⵓⵔⵜ ⵙⵜⵖⴰⵔⴰⵙⵜ ⵏ ⵓⵙⴹⵕⵚ ⵅⴼ ⵓⵙⵎⵀⵍ ⵏ ⵜⵉⵍⴰⵍⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵉⵥⵍⵉⵏ ⵙ ⵓⵣⴷⴷⵓⵢ ⴳ ⵉⵎⵙⴷⴷⵉ ⵏ ⵓⵙⵎⴰⵔ ⵏ ⵓⵖⴰⵡⴰⵙ ⴰⵏⴳⵎⵓ, ⴷ ⴷⵉ ⵓⵎⵏⴰⴹ ⵏ ⵓⴹⴼⴰⵕ ⵏ ⵓⵙⴽⴰⵔ ⴷ ⵓⵙⵔⵙ ⵏ ⵉⵖⴰⵡⴰⵙⵏ ⵉⵏⵎⵏⴰⴹⵏ ⵉⵥⵍⵉⵏ ⵙ ⵓⵎⵙⴰⵙⴰ ⵏ ⵡⴰⴽⴰⵍ ⴷ ⵉⵖⴰⵡⴰⵙⵏ ⵏ ⵜⴳⵎⵉ ⵜⴰⵏⵎⵏⴰⴹⵜ ⴷ ⵡⴰⵔⵔⴰⵜⵏ ⵏ ⵉⵖⴰⵡⴰⵙⵏ ⴳⵔ ⵏ ⵓⵡⴰⵏⴽ ⴷ ⵜⵎⵏⴰⴹⵉⵏ, ⵉⵇⵇⴰⵏ ⴰⵖ ⴷ ⴰⴷ ⵏⵙⴷⴷⵔ ⴰⵣⵎⵣⵣⵓ ⴰⴷ ⴰⴼⴰⴷ ⴰⴷ ⵏⵙⴷⵔⵓ ⴰⵎⴹⴰⴽⴰⵕ ⵅⴼ ⵎⴰⵏⵉ ⵉⵏⵏ ⵢⵉⵡⴹ ⵓⵙⴷⵓⵙ ⵏ ⵉⵙⵓⴷⴰⴼ ⵏ ⵓⵙⵎⵎⵣⴷⵉ ⴳ ⵓⵙⵡⵉⵔ ⵏ ⵜⵥⵍⴰⵢⵉⵏ ⵜⵉⵏⴳⵎⵓⵜⵉⵏ ⵜⴰⵔ ⵜⵉⵏⴰⵎⵎⴰⵙⵉⵏ ⴷ ⵜⵏⵏⴰ ⵓⵔ ⵉⵜⵜⵓⵡⴰⵎⵎⴰⵙⵏ ⴳ ⵓⵙⵡⵓⴷⴷⵓ ⴰⵎⴰⴼⴰⵢ ⵏ ⵜⴷⴰⵎⵙⴰ ⵜⴰⵎⵓⵔⴰⵏⵜ.
ⵉⴳⴰ ⴰⵙⵇⵙⵉ ⵏⵏⴰ ⵏⵥⵓⵥⴹ ⴰⴷ ⴰⵙ ⴰⴼⵏⵜ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵜⴰⵎⵣⵡⴰⵔⵓⵜ ⵉⴼⵔⴷⴰⵙ ⵏ ⵜⵎⵔⴰⵔⵓⵜ ⵉⴳⴰⵏ ⵜⴰⵏⵉⵍⴰⵡⵜ.
ⵙⴳ ⵜⵙⴳⴰ ⵢⴰⴹⵏ, ⵍⵍⵉⴳ ⴰ ⵏⵥⵕⵕⴰ ⵎⴰⵙ ⴷ ⵉⴳⵔⴰⵏ ⵉⵎⵓⵔⴰⵏⵏ ⵓⵔ ⴷⴰ ⵙⵙⴱⵖⵓⵔⵏ ⵣⵉ ⵜⵓⵛⵛⵓⵜ ⵏ ⵜⴳⵎⵉ ⵙ ⵓⵡⵉⴷⵉ, ⵙⴳ ⵓⵢⵏⵏⴰ ⵉⵜⵜⴰⵊⵊⴰⵏ ⵜⴰⵎⵢⴰⴳⴰⵔⵜ ⵏ ⵉⴳⵔⴰⵏ ⴰⴷ ⵜⵖⴱⵓ ⴳⵔ ⵜⵙⴳⵉⵡⵉⵏ ⵉⵍⵍⴰⵏ ⴳ ⵢⴰⵜ ⵜⵎⵏⴰⴹⵜ, ⵜⵏⵏⵓⵔⵣ ⵜⵙⵇⵇⵉⵎⵜ ⵜⵉⵙ ⵙⵏⴰⵜ ⵙⴳ ⵜⵡⵓⵔⵉⵡⵉⵏ ⵏ ⵜⵉⵏⴰⵡⵜ ⴰⴷ ⵜⵙⵙⵉⵙⴼⵉⵡ ⵜⵓⴳⴳⴰⵙ ⵏ ⵜⵎⵏⴰⴹⵜ ⵏ ⵕⵕⴱⴰⵟ - ⵙⵍⴰ - ⵇⵏⵉⵟⵕⴰ ⴳ ⵓⴱⴰⵔⴰⵣ ⵏ ⵓⵙⴼⵓⵍⴽⵉ ⵏ ⵜⵏⵏⵓⵣⵖⴰ ⵏ ⵜⵎⵏⴱⴰⴹⵉⵏ ⴷ ⵜⵙⴳⵉⵡⵉⵏ ⵉⵍⵍⴰⵏ ⴷⴷⴰⵡ ⵏ ⵜⵙⵓⴳⵔⵜ ⵏⵏⵙ ⵜⴰⵎⵓⵔⴰⵏⵜ ⴷⴷⵓ ⵏ ⵓⵎⴰⵍⵓ ⵏ ⵓⵢⵏⵏⴰ ⴷ ⵜⵉⵡⵉ ⵜⵏⵜⵜⴰⵎⵜ ⵜⴰⵏⴰⵎⵓⵔⵜ ⵜⴰⵎⴰⵢⵏⵓⵜ ⵏ ⵓⵙⵙⴰⵔⵓ ⵙⴳ ⵜⵎⴳⴳⵉⵢⵉⵏ ⵏ ⵓⵙⵙⵔⵇⴱ.
ⵉⵇⵇⴰⵏ ⴷ ⴰ ⵏⵙⵔⵙ ⵢⴰⵏ ⵓⵙⵇⵙⵉ, ⵙⵍⴰⵡⴰⵏ ⴰⴽⴽⵯ, ⵅⴼ ⵜⵡⴰⵍⵉⵜⵉⵏ ⵏ ⵜⵎⵏⴰⴹⵜ ⴷ ⴽⵔⴰⵢⴳⴰⵜⵜ ⵉⵎⵙⴽⴰⵔⵏ ⵉⴷⵖⵔⴰⵏⵏ ⵅⴼ ⵎⴰⵎⴽ ⴰ ⵖⵔ ⴰⴷ ⵜⵜⴰⵡⵙⴽⴰⵔⵏ ⵡⴰⵏⴰⵡⵏ ⵏ ⵜⵡⵙⵉⵡⵉⵏ ⵙ ⴽⵕⴰⴹⵜ ⵜⴰⴳⴳⴰⵣⵉⵏ ( ⵜⴰⴳⴳⴰⵣⵉⵏ ⵉⵛⵛⴰⵔⵏ ⴷ ⵜⴰⴳⴳⴰⵣⵉⵏ ⵏ ⵉⴳⵔⴰⵏ ⴷ ⵜⴰⴳⴳⴰⵣⵉⵏ ⵜⵉⵎⵓⵔⴰⵏⵉⵏ ⵏ ⵓⵙⵙⴰⵔⵓ ) ⴰⴼⴰⴷ ⴰⴷ ⵜⵉⵍⵉ ⵜⵣⵔⴼⵜ ⵏ ⵉⴳⵔⴰⵏ ⴳ ⵜⴰⵟⵟⵓⴹⵜ ⵏ ⵉⵙⵙⴰⵔⵓⵜⵏ.
ⵏⵙⵙⵉⵜⵎ ⴰⴷ ⴳⵉⵏⵜ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵜⵉⵙ ⵙⵏⴰⵜ ⴰⵡⴷ ⵏⵜⵜⵏⵜⵉⵏ ⵢⴰⵏ ⵓⵣⵎⵣⵣⵓ ⵏ ⵓⵙⵓⴳⴳⵔ ⵅⴼ ⵉⴳⵉⵜⵏ ⵉⵜⵜⴰⵡⵣⵎⵎⴰⵎⵏ ⴳ ⵓⵙⴰⵜⵉ ⵏ " ⵓⵖⴰⵡⴰⵙ ⵏ ⵓⵙⴱⴷⴷⵉ ⵏ ⵉⵎⵣⴰⵔⴰⵢⵏ ⵏ ⵉⴳⵔⴰⵏ ⴷ ⵉⵏⴰⵎⵓⵏⵏ" ⴳ ⵓⵙⵡⵉⵔ ⵏ ⵜⵎⵏⴰⴹⵜ, ⵎⴰⵙ ⵉⴳⴰ ⵜⴰⵎⴰ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ, ⵢⴰⵏ ⵉⵎⵉⵙ ⴰⴷⵙⵍⴰⵏ ⵏ ⵓⵙⵓⴷⵔⵙ ⵏ ⵉⵎⵢⴰⴳⴰⵔⵏ ⵏ ⵉⴳⵔⴰⵏ ⴳ ⵎⴰⴷ ⵉⵥⵍⵉⵏ ⵙ ⵉⵎⵉⵡⴰ ⴷ ⵜⵏⵓⴼⴰ ⵜⵉⴷⵙⵍⴰⵏⵉⵏ, ⴰⵀⴰ ⵉⴳⴰ ⵢⴰⵏ ⵢⵉⴳⵔ ⴰⵎⴱⵍⵓⵍⵍⵙ ⵏ ⵓⵙⵎⵀⵍ ⵏ ⵜⵥⵍⴰⵢⵉⵏ ⵉⵛⵛⴰⵔⵏ ⵏⴳⵔ ⵓⵡⴰⵏⴽ ⴷ ⵜⵎⵏⴰⴹⵜ, ⵣⵓⵏⴷ “ⴰⵙⵎⴰⵜⴰ ⵏ ⵓⵙⵉⴷⴼ ⵏ ⵡⴰⵎⴰⵏ ⵏ ⵜⵉⵙⵙⵉ ⴷ ⵓⵥⴰⵕⵓⵕ" ⴷ "ⵓⴼⵓⴽⴽⵓ ⵏ ⵓⵥⵍⴰⵢ" ⴷ " ⵓⵙⵖⵔⵜ ⵏ ⵓⵎⴰⴹⴰⵍ ⴰⴼⴰⵔⴰⵏ ⴳ ⵉⴱⴰⵔⴰⵣⵏ ⵏ ⵜⴷⵓⵙⵉ ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ", ⵏⵙⵎⴷ ⴰⵙ ⴽⵔⴰ ⵏ ⵜⵥⵍⴰⵢⵉⵏ ⵜⵉⵢⵉⵎⴰⵏⵉⵏ ⵏ ⵜⵎⵏⴰⴹⵜ ", ⵙⵍⴰⵡⴰⵏ ⴰⴽⴽⵯ "ⵜⵓⵚⴽⴰ ⴷ ⵓⵙⵖⵓⴷⵓ ⴷ ⵓⵏⵀⵍⵍⴰ ⵏ ⵉⵖⴰⵔⴰⵙⵏ ⵓⵔ ⵉⵥⵉⵍⵏ".
ⵡⵉⴷ ⴰⵢⴷ ⵉⴳⴰⵏ ⵉⵙⵇⵙⵉⵜⵏ ⵏⵏⴰ ⵉⵅⵚⵚⴰⵏ ⴰⴷ ⵜⵜⵓⵙⵔⵙⵏ ⴳ ⵜⵡⵓⵔⵉⵡⵉⵏ ⵏ ⵜⵉⵏⴰⵡⵜ ⴰⴷ, ⵏⵏⴰ ⴳ ⵎⵉ ⵏⵙⵙⵉⵜⵎ ⴰⴷ ⵏⵏ ⵜⴰⵡⴹ ⵖⵔ ⵜⵙⵉⵍⴰⵡⵜ ⵏ ⵉⵎⵙⴳⵔⴰ ⵏⵏⴰ ⵉⵜⵜⵉⵍⵉⵏ ⴷ ⵢⴰⵜ ⵜⵕⵉⵕⴹⵜ ⵏ ⵓⵎⴹⴰⴽⴰⵕ ⴳ ⵜⵡⵓⵔⵉⵡⵉⵏ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵡⵉⵙ ⵙⵎⵎⵓⵙ ⵏ ⵜⵎⵏⴰⴹⵉⵏ, ⴳ ⵓⴳⴳⴰⵏⵉ ⵏ ⵉⴼⵔⴷⴰⵙ ⵏ ⵜⴽⴰⵕⴹⴰ ⵜⴰⵖⵣⵓⵔⴰⵏⵜ ⵏ ⵓⵖⴰⵔⴰⵙ ⵉ ⵓⵙⴷⵔⴼⵉ ⵏ ⵜⴳⵎⵉ ⵜⴰⴷⵎⵙⴰⵏⵜ ⴳ ⵉⴳⵔⴰⵏ ⵉⵎⵓⵔⴰⵏⵏ.
ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⴼⴰⵢⵏ,
ⴳ ⵓⵎⴳⴳⴰⵔⵓ ⵏ ⵜⴳⵓⵔⵉ ⴰⴷ, ⵔⵉⵖ ⴰⴷ ⵣⵣⵔⵉⵖ ⴰⵙⵏⵉⵎⵎⵔ ⵉ ⵎⴰⵙⵙ ⴰⵏⴱⴱⴰⴹ ⵏ ⵜⵎⵏⴰⴹⵜ ⵕⵕⴱⴰⵟ - ⵙⵍⴰ - ⵇⵏⵉⵟⵕⴰ, ⵉ ⵓⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵕⵕⴱⴰⵟ - ⵙⵍⴰ - ⵇⵏⵉⵟⵕⴰ, ⵅⴼ ⵜⵎⵢⴰⵖⵜ ⵏⵏⵙⵏ ⵜⵓⵎⵏⵉⴳⵜ ⵏⵏⴰ ⵉⴼⵙⵓⵙⵏ ⴰⴽⴷ ⵜⵙⵏⵜⴰⵢⵜ ⵏ ⵓⵙⵏⵎⴰⵍⴰ ⵏ ⵜⵉⵏⴰⵡⵜ ⴰⴷ ⵜⴰⵙⴳⵓⵎⴰⵏⵜ ⵜⴰⵏⵎⵏⴰⴹⵜ.
ⵎⴽⴷⴰ ⴰⴽⴽⴰⵖ ⴰⵙⵏⵉⵎⵎⵔ ⵉ ⵇⴰⵃ ⵉⴱⵕⵍⴰⵎⴰⵏⵉⵢⵏ ⴷ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵜⵎⵏⴱⴰⴹⵉⵏ ⴷ ⵜⵙⴳⵉⵡⵉⵏ ⴷ ⵉⵏⵙⵙⵉⵅⴼⵏ ⵏ ⵜⵓⴷⵔⵉⵏ ⵜⵉⵣⵣⵓⵍⴰⵏⵉⵏ ⴷ ⵇⴰⵃ ⵉⵎⵙⴽⴰⵔⵏ ⴳ ⵜⴳⵎⵉ ⵜⴰⴷⵎⵙⴰⵏⵜ ⴳ ⵓⵙⵡⵉⵔ ⵏ ⵜⵏⴱⴰⴹⵜ, ⵏⵏⴰ ⵉⵙⴰⴷⵎⵔⵏ ⵉ ⵜⵖⵓⵔⵉ ⵏ ⵜⴷⵔⴰⵡⵜ ⴳ ⵉⵎⵓⵙⵙⵓⵜⵏ ⵏ ⵜⵉⵏⴰⵡⵜ ⴰⴷ.
ⵢⵉⵍⵉ ⵓⵙⵏⵉⵎⵎⵔ ⵓⵍⴰ ⵉ ⵉⴳⵏⵙⴰⵙⵏ ⵏ ⵜⵎⵔⵙⴰⵍ ⵍⵍⵉ ⴷⵉⴷⵏⵖ ⵉⵍⵍⴰⵏ, ⵙⵍⴰⵡⴰⵏ ⴰⴽⴽⵯ ⴰⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⴹⴰⵏ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⴷ ⵜⵎⵙⵎⵓⵏⵜ ⵜⴰⵎⵖⵔⴰⴱⵉⵜ ⵏ ⵜⵎⵏⴰⴹⵉⵏ ⴷ ⵜⵎⵙⵎⵓⵏⵜ ⵜⴰⵎⵖⵔⴰⴱⵉⵜ ⵏ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵜⵎⵏⴱⴰⴹⵉⵏ ⴷ ⵜⵙⴳⵉⵡⵉⵏ ⴷ ⵜⵎⵙⵎⵓⵏⵜ ⵜⴰⵎⵖⵔⴰⴱⵉⵜ ⵏ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵜⴳⵔⴰⵡⵉⵏ ⴷ ⵜⵏⵓⴼⴰ ⵜⵉⵎⴰⵡⵙⴰⵙⵉⵏ ⵜⴰⵔⵏⴰⵎⵎⴰⵙⵉⵏ.
ⵓⵔ ⴰⴷ ⵉⵣⵔⵉ ⵓⵣⵎⵣⵣⵓ ⴰⴷ ⴱⵍⴰ ⵙⵏⵉⵎⵎⵔⵖ ⵉⵎⵓⵣⴰⵢⵏ ⵏⵏⴰ ⵢⴰⵎⵓⵏ ⴰⴽⵉⴷⵏⵖ ⴳ ⵜⵉⵏⴰⵡⵜ ⴰⴷ, ⵀⴰ ⴹⴼⴰⵕⵏ ⴰⴽⵉⴷⵏⵖ ⴰⴽⴽⵯ ⵜⵉⴽⵍⵉⵡⵉⵏ ⵏ ⵜⵡⵓⵔⵉⵡⵉⵏ ⵜⵉⵙⵎⴰⵜⵜⴰⴳⵉⵏ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵏ ⵜⵎⵏⴰⴹⵉⵏ ⴳ ⵜⵓⵏⵖⵉⵍⵜ ⵏⵏⵙ ⵜⵉⵙ ⵙⵎⵎⵓⵙⵜ.
ⴰⵔ ⵙⵙⵉⵜⵉⵎⵖ ⵉ ⵜⵡⵓⵔⵉⵡⵉⵏ ⵏ ⵜⵉⵏⴰⵡⵜ ⴰⴷ ⵜⴰⵙⴳⵓⵎⴰⵏⵜ ⵜⴰⵏⵎⵏⴰⴹⵜ ⴰⵎⵓⵔⵙ ⵉⵙⵎⴷⵏ ⴷ ⵜⵔⴰⵏⴰⵡⵜ, ⴷ ⵜⴰⵏⵎⵉⵔⵜ ⵅⴼ ⵓⵙⵙⴼⵍⴷ ⵏⵏⵓⵏ ⵉⵖⵓⴷⴰⵏ.