ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵓⵎⵏⴰⴹ ⵏ ⵓⵙⴼⵓⴳⵍⵓ ⵏ ⵓⴽⵜⵜⵓⵢ ⵡⵉⵙ 20 ⵏ ⵓⵙⴽⵔ ⵏ ⵜⴳⵔⴰⵡⵜ ⵏ ⵓⵙⵓⵎⵓ ⴷ ⵓⵎⵙⵓⵔⵓⴼ, ⴰⵔ ⵉⵙⵏⵎⴰⵍⴰ ⵓⴱⵕⵍⴰⵎⴰⵏ ⵙ ⵙⵉⵏ ⵉⵙⵇⵇⵉⵎⵏ ⵏⵏⵙ, ⴰⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⴼ: “ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ”, ⵓⵙⵙⴰⵏ ⵏ 6 ⴷ 7 ⴷⵓⵊⴰⵏⴱⵉⵔ 2024 ⴳ ⵓⵙⵖⵉⵎ ⵏ ⵓⴱⵕⵍⴰⵎⴰⵏ ⴳ ⵕⵕⴱⴰⵟ.
ⵔⴰⴷ ⵜⴱⴷⴷ ⵜⵉⵏⴰⵡⵜ ⴼ ⵉⵙⵏⵜⵍⵏ ⵣⴷⵉⵏⵉⵏ ⴷ ⵜⴱⵔⵉⴷⵉⵏ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ, ⴳ ⵉⵍⵍⴰ ⵓⵎⵢⴰⵡⴰⴹ ⵊⴰⵔ ⵜⵣⵔⴼⵜ ⵜⵣⵔⴼⵜ ⵜⴰⵏⵎⵓⵜⵜⵉⵜ ⴷ ⵉⵎⵓⴽⵏⵏ ⵉⴷⵙⵜⴰⵔⵏ ⴷ ⵉⵣⵣⵔⴰⴼⵏ ⴷ ⵉⵣⵔⴼⴰⵏⵏ, ⵜⵉⵍⴰⵍ ⵏ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵡⴰⵎⵓⵏ ⴰⵖⵔⵎⴰⵏ ⴳ ⵜⴱⵔⵉⴷⵉⵏ ⴰⴷ ⴷ ⵓⵙⵏⴰⵍ ⵏ ⵓⵣⵣⴳⵉⵔ ⵏ ⵉⵙⵖⵍⴰⴼ ⵏ ⵜⴳⵔⴰⵡⵉⵏ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ, ⴷ ⵜⵎⵙⴰⵔⵉⵏ ⵏ ⵜⵎⴽⵜⵉⵜ.
ⵖⵉⴽ ⵍⵍⵉ ⵔⴰⴷ ⵜⴱⴷⴷ ⵜⵉⵏⴰⵡⵜ ⴼ ⵜⵎⴰⵎⴽⵉⵏ ⵖ ⵔⴰⴷ ⵢⵉⵍⵉ ⵚⴰⵃⴰ ⵙ ⵉⴷⵔⵉⵣⵏ ⴷ ⵜⵉⵢⵢⴰⴼⵓⵜⵉⵏ ⵏⵏⵙ ⴰⵖⴱⴰⵍⵓ ⵏ ⵜⵉⵔⵎⵉⵜⵉⵏ ⵢⴰⴹⵏⵉⵏ ⵏ ⵖⵉⵍⴰⴷ ⴷ ⵉⵎⴰⵍ, ⵙⵍⴰⵡⵏ ⴰⴽⴽⵯ ⵜⴰⴳⵔⴰⵡⵜ ⵏ ⵓⵙⵓⵎⵓ ⴷ ⵓⵎⵙⴼⵔⵓ, ⵍⵍⵉ ⵉⴳⴰⵏ ⵜⵉⵔⵎⵉⵜ ⵉⴱⵓⵖⵍⴰⵏ ⵙ ⵜⵎⵙⴽⴰⵔ ⵏⵏⵙ ⵥⵉⵍⵏⵉⵏ, ⵉⴳⴰⵏ ⵜⴰⵎⵣⵡⴰⵔⵓⵜ ⴳ ⵓⵙⵡⵓⴷⴷⵓ ⴷ ⵓⵙⴽⵔ ⴷ ⵉⵙⵖⵍⴰⴼ ⵏⵏⵙ.
ⵜⵜⵓⴱⴹⴰⵏⵜ ⵜⵡⵓⵔⵉⵡⵉⵏ ⵏ ⵜⵉⵏⴰⵡⵜ ⴰⴷ ⴼ ⵜⵖⵉⵎⵉⵜⵉⵏ ⵜⵉⵙⴳⵓⵎⴰⵏⵉⵏ ⴳ ⵍⵍⴰⵏ: “ⵜⴰⵣⵔⴼⵜ ⵜⴰⵏⵎⵓⵜⵜⵉⵜ ⴷ ⵉⵎⵓⴽⵏⵏ ⵉⴷⵙⵜⴰⵔⵏ ⴷ ⵉⵣⵣⵔⴰⴼⵏ”, “ⵜⵉⴱⵔⵉⴷⵉⵏ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ: ⵜⵉⵍⴰⵍ ⵏ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵡⴰⵎⵓⵏ ⴰⵖⵔⵎⴰⵏ”, “ⵜⴰⵣⵔⴼⵜ ⵜⴰⵏⵎⵓⵜⵜⵉⵜ ⴷ ⵉⵎⵓⴽⵏⵏ ⵉⵣⵔⴼⴰⵏⵏ”, “ⵜⵉⴱⵔⵉⴷⵉⵏ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ ⴷ ⵓⴼⴰⵔⵙ ⵏ ⵓⵙⵡⵉⵏⴳⵎ ⴷ ⵜⵓⵙⵙⵏⴰ”.
ⴳ ⵓⵖⴰⵡⴰⵙ ⵏ ⵓⵏⵎⵓⵇⵇⴰⵔ ⴰⴷ ⴰⵅⴰⵜⴰⵔ, ⵔⴰⴷ ⵢⵉⵍⵉ ⵓⵕⵥⵥⵓⵎ ⴷ ⵓⵔⵣⴰⴼ ⵏ ⵓⵙⴼⵙⵔ ⵏ ⵜⵙⵉⵎⵔⴰⵡⵜ ⵏ ⵜⵉⴷⵜ ⴷ ⵓⵙⵓⵎⵓ ⴳ ⵓⴱⵕⵍⴰⵎⴰⵏ, ⵙ ⵜⵉⵍⵉⵜ ⵏ ⵜⵓⴳⵜ ⵏ ⵉⵎⴰⵙⴰⵢⵏ ⵉⵏⴰⵎⵓⵔⵏ ⴷ ⵡⵉⵏ ⴱⵕⵕⴰ, ⵉⴳⵯⵏⵙⴰⵙⵏ ⵏ ⵜⵏⴱⴰⴹⵜ ⴷ ⵜⵣⵔⴼⵜ ⴷ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵎⴰⵙⵙⵏ ⵉⵏⴰⵎⵓⵔⵏ ⵉ ⵡⴰⵔⴰⵢ ⵙⴳ ⵡⴰⵥⵥⴰⵕ, ⴷ ⵉⵎⴰⵙⴰⵢⵏ ⵏ ⵜⵎⵜⵜⴰ ⵎⵓⵏⵏⵉⵏ ⴷ ⵜⴰⵎⵓⵏⵜ ⵜⴰⴼⵔⵉⵇⵉⵜ, ⵉⴳⵯⵏⵙⴰⵙⵏ ⵏ ⵜⵎⴰⴷⴷⴰⵙⵉⵏ ⵏ ⵡⴰⵎⵓⵏ ⴰⵖⵔⵎⴰⵏ ⴳ ⵉⵙⵡⵉⵔⵏ ⴰⴳⵔⴰⵖⵍⴰⵏ ⴷ ⵓⵙⴳⴰⵡⴰⵏ ⴷ ⵓⵏⴰⵎⵓⵔ, ⵖⵎⴽ ⴰⵏⵏ ⵓⵍⴰⵓ ⵉⵎⵓⵣⴰⵢⵏ ⴷ ⵉⴷ ⴱⴰⴱ ⵏ ⵜⵙⴽⵍⴰ..
ⴰⵙⴼⴳⵍⵓ ⵏ ⵓⴽⵜⵜⵓⵢ ⵏ ⵓⵙⴽⵔ ⵏ ⵜⴳⵔⴰⵡⵜ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⴰⵔ ⴷ ⵉⵙⵙⴽⵜⴰⵢ ⴰⴱⵔⵉⴷ ⵉⴽⴽⴰⵏ ⴰⴳⵏⴰⵔ ⵏ ⵉⵙⴳⴳⵯⴰⵙⵏ, ⵔⴰⴷ ⵉⴱⴷⴷ ⴼ ⵜⵉⵢⵢⴰⴼⵓⵜⵉⵏ ⴷ ⵉⴷⵔⵉⵣⵏ ⵏ ⵜⵉⵔⵎⵉⵜ ⵉⵙⴽⵔⵏ ⴰⵣⴷⴰⵢ ⵉⴷⵔⴰⵏ ⵊⴰⵔ ⵙⵏⴰⵜ ⵜⵔⵙⴰⵍ ⵜⵉⵙⵉⵍⴰⵏⵉⵏ: ⵜⴰⵣⵔⴼⵜ ⵜⴰⵏⵎⵓⵜⵜⵉⵜ ⴷ ⵓⵚⴽⵓ ⴰⵎⵔⵙⵍⴰⵏ. ⵖ ⵉⵍⵍⴰ ⵓⵙⵎⴽⵍ ⵏ ⵜⴰⵕⵥⵉⵡⵉⵏ ⵣⵔⵉⵏⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵓⴼⵓⴽⴽⵓ ⵏ ⵜⵎⵓⴽⵔⵉⵙⵉⵏ, ⴷ ⵓⵚⴽⵓ ⴰⵎⵔⵙⵍⴰⵏ ⴷ ⵓⵣⵣⵔⴰⴼ, ⴰⵢⵍⵍⵉ ⵉⴳⴰⵏ ⴰⵙⴽⵔ ⵏ ⵉⵎⴹⴰⴽⴰⵕⵏ ⵉⴳⵜⵉⵔⴰⵏⵏ ⵕⵛⵎⵏⵉⵏ ⴰⴱⵔⵉⴷ ⵏ ⵜⴷⵉⵇⵎⵓⵇⵔⴰⵟⵉⵜ ⴳ ⵍⵎⵖⵔⵉⴱ.