ⴹⴰⵕⴰⵜ ⵏ ⵜⵡⴰⵖⵉⵜ ⵜⴰⵎⵇⵔⴰⵏⵜ ⵏⵏⴰ ⵙ ⵎⵉ ⵉⵙⵙⵉⵖ ⵕⴱⴱⵉ ⵜⴰⵎⴰⵣⵉⵔⵜ ⵏⵏⵖ ⵉⵄⵣⵣⵏ, ⵉⴹ ⵏ ⵓⵙⵉⵎⵡⴰⵙ 08 ⵛⵜⴰⵏⴱⵉⵔ 2023 ⵙ ⵜⵎⵏⵜⵉⵍⵜ ⵏ ⵓⵏⴷⵓⴷⵉ ⵉⵊⵀⴷⵏ ⵏⵏⴰ ⵉⵡⵡⵜⵏ ⵜⵓⴳⵜ ⵏ ⵜⵙⴳⵉⵡⵉⵏ ⵏ ⵜⴳⵍⴷⵉⵜ, ⴷ ⴰⵢⵍⵍⵉ ⴷ ⵉⴼⵍ ⵏ ⵉⵎⵕⵎⴰⵥ ⵅⴰⵜⵔⵏⵉⵏ ⵙⴳ ⵉⵡⴷⴰⵏ ⴷ ⵉⵙⴽⴽⵉⵏⵏ ⵏ ⵜⵎⵜⵜⴰ ⴷ ⵜⵉⵎⴰⴹ ⵏ ⵉⵎⵙⴳⴳⵓⵢⵜⴰ ⴷ ⵡⵉⵍⵍⵉ ⵉⵜⵜⵡⴰⵖⵏ, ⴰⵔ ⵉⵙⵎⵏⵉⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵙ ⵇⴰⵃ ⵉⵥⴹⵡⴰⵏ ⵏⵏⵙ ⵉⵎⴰⴷⴷⴰⵙⵏ ⴷ ⵉⴼⵔⴷⴰⵙ ⵏⵏⵙ ⵉⵙⵔⵜⴰⵏⵏ ⴷ ⵉⵎⵙⵙⵓⴳⴰⵔ, ⴰⵖⵉⵍⵓⴼ ⵏⵏⵙ ⴷ ⵓⵖⵢⵢⵕ ⵏⵏⵙ ⴰⴼⵍⵍⴰ ⵏ ⵓⵅⵓⴱ ⴰⴷ ⴰⵅⴰⵜⴰⵔ ⴳ ⵎⵉ ⵓⵔ ⵉⵍⵍⵉ ⵎⴰ ⵖⵔ ⴰⴷ ⵉⵔⵔⵏ ⴷⵉⴳⵙ ⵜⴰⵏⴱⴰⴷⵜ ⵏ ⵕⴱⴱⵉ, ⴰⵍ ⵉⵙⵎⵏⵉⴷ ⵙ ⵉⵡⵏⵏⴰ ⵏ ⵓⴼⵛⴰⴷ ⵉⵣⴷⴷⵉⴳⵏ ⴷ ⵓⵙⵃⵓⵥⵥⵕ ⵏⵏⵙ ⵉ ⵉⴱⴱⴰⵙ ⵏ ⵜⵎⵜⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴹⵓ ⵕⴱⴱⵉ ⴷ ⴰⴽⴽⵯ ⵉ ⵓⵎⴰⴷⴰⵏ ⴰⵎⵖⵔⵉⴱⵉ ⵏ ⵓⵙⵓⴼⵓ ⴷ ⵉⵎⴰⵣⵣⴰⵍⵏ ⴷ ⵜⵡⵊⵉⵡⵉⵏ ⵏ ⵉⵎⵙⴳⴳⵓⵢⵜⴰ, ⴰⵍ ⵉⵙⵙⵓⵜⵓⵔ ⵉ ⵕⴱⴱⵉ ⴰⴷ ⵜⵏ ⵉⵃⵎⵍ ⵉⴷⵀ ⵜⵏ ⵙ ⵜⵎⵍⵍⴰ ⵏⵏⵙ ⵉⴳ ⵜⵏ ⴳ ⵜⵓⵔⵜⵉⵜⵉⵏ ⵏⵏⵙ ⵉⵙⵙⵓⵊⵉ ⵉⵎⵜⵜⵓⵔⵙⵏ ⴳ ⵎⴰ ⵏⵏ ⵓⵔ ⵢⴰⴳⴳⵓⴳⵏ ⵉⴼⴽ ⵉ ⴰⵢⵜ ⴷⴰⵔⵙⵏ ⵜⵉⵥⵥⵉⴹⵕⴰ ⵉⵖⵓⴷⴰⵏ.
ⵖⵉⴽⵍⵍⵉ ⵉⵔⴰ ⵓⵙⵇⵇⵉⵎⵓ, ⵙ ⵜⵎⵍⴷⴰ ⴰⴷ ⵉⵀⵔⵛⵏ, ⴰⴷ ⴱⴰⵀⵔⴰ ⵢⴰⵍⵖ ⴰⵙⵎⵓⵙⵙⵓ ⴰⵖⵣⵓⵔⴰⵏ ⵏⵏⴰ ⵅⴼ ⵎⵉ ⵉⵙⴼⵔⵔⵣ ⵓⵎⴰⴷⴰⵏ ⴰⵎⵖⵔⴰⴱⵉ ⴰⵎⵣⴷⴰⴳ, ⵙⴳ ⵉⵣⵎⴰⵣ ⵉⵎⵣⵡⵓⵔⴰ ⴳ ⵎⵉ ⵜⵊⵕⴰ ⵜⵡⴰⵖⵉⵜ ⴰⴷ ⵜⴰⴳⴰⵎⴰⵏⵜ, ⵙ ⵜⵖⴰⵔⴰⵙⵜ ⵏ ⵓⵙⴷⵓⵙ ⵏ ⵜⵓⴳⴳⴰⵙ ⵏ ⵇⴰⵃ ⵉⵎⵙⵜⴳⴳⴰⵔⵏ ⵙⴳ ⵉⵏⵎⵓⵔⴰⵏ ⴷ ⵡⴰⵎⵓⵏ ⵓⵖⵔⵉⵎ ⴷ ⵜⵏⴱⴰⴹⵉⵏ ⵜⵉⵏⴰⵎⵎⴰⵙⵉⵏ ⴷ ⵜⴷⵖⵔⴰⵏⵉⵏ ⴷ ⵉⴳⵔⴰⵏ ⵉⵎⴰⵡⵙⴰⵙⵏ ⵉⵎⵏⵜⴰⵢⵏ ⴷ ⵜⵏⵓⴼⴰ ⵏ ⵡⴰⵔⴰⵢ ⵓⵖⵔⵉⵎ, ⴷ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵉⴳⴰⵏ ⵉⵎⵓⵣⵍⵏ ⴷ ⴽⵓ ⵉⴼⵔⴷⴰⵙ ⵏ ⵉⵏⴳⵎⴰⵎⵏ ⵏ ⵜⵏⴼⵔⵓⵜ ⴷ ⵜⵊⵉⴹⵕⵎⵜ ⵜⴰⴳⵍⴷⴰⵏⵜ ⴷ ⵜⴳⴳⴰⵍⵉⵏ ⵜⵉⵎⴰⵡⴰⵙⵉⵏ.
ⴰⵍ ⵉⵙⵙⴰⵡⴰⴹ ⵓⵙⵇⵇⵉⵎⵓ ⵅⴼ ⵓⵏⵏⴰ ⴷⴰⵔⵙ ⵉⵍⵍⴰⵏ ⵏ ⵓⴱⵓⵔⵣ ⴰⵅⴰⵜⴰⵔ ⴰⴼⵍⵍⴰ ⵏ ⵡⴰⵏⴼⴰ ⵢⴰⵜⵜⵓⵢⵏ ⴷ ⵓⵏⵀⵍⵍⴰ ⴰⵏⴼⴽⴽⴰⵢ ⵏⵏⴰ ⵙ ⵉⵙⵙⵓⵜⵍ ⵓⴳⵍⴷⵓⵏ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⴰⴷ ⵜ ⵢⴰⵔⵉ ⵕⴱⴱⵉ ⵢⴰⵡⵙ ⴰⵙ, ⵓⵏⴳⵉⵙⵏ ⴰⴽⴽⵯ ⵙⴳ ⵉⵏⵎⵓⵔⴰⵏ ⵏⵏⵙ, ⵙ ⵜⵖⴰⵔⴰⵙⵜ ⵏ ⵉⴱⴷⴷⵉ ⵓⵙⵔⵉⴷ ⵏ ⴱⴰⴱ ⵏ ⵡⴰⴷⴷⵓⵔ ⵅⴼ ⵜⵓⴳⴳⴰⵙ ⵉⴷⴷⴰⵏⵜ ⴰⴷ ⵉⵍⵉⵏ ⵙ ⵜⴰⵣⵣⵍⴰ, ⵙⴳ ⵇⴰⵃ ⵜⵉⵎⵏⴰⴹⵉⵏ ⵜⵉⵎⵏⵜⴰⵢⵉⵏ, ⵉ ⵜⵏⵥⵕⵉⵏ ⵍⵍⵉ ⴷ ⴼⴼⵖⵏⵉⵏ ⵙⴳ ⵓⵅⵓⴱ ⴰⴷ ⴰⵏⴰⵎⵓⵔ ⵙ ⵓⵙⵎⵓⵙⵙⵓ ⵏ ⵜⵥⵉⴹⴰⵕ ⵜⵉⵏⴼⴳⴰⵏⵉⵏ ⴷ ⵜⵍⵓⵊⵉⵙⵜⵉⵢⵉⵏ, ⵜⵉⵙⵔⴷⴰⵙ ⴷ ⵜⵓⵖⵔⵉⵎⵉⵏ, ⴰⴼⴰⴷ ⴰⴷ ⵢⵉⵍⵉ ⵓⵙⵎⴽⵍ ⴰⴽⴷ ⵉⴹⵉⵚⵏ ⵏ ⵜⵎⴰⵔⴰ ⴰⴷ ⵙ ⵎⴰ ⴳ ⵅⵚⵚⴰⵏ ⴰⴷ ⵢⵉⵍⵉ ⵙⴳ ⵜⴷⵖⵔⵉⵜ ⴷ ⵜⵉⵕⵡⵉ ⵖ ⵜⵉⵣⵉ ⴷ ⵢⵓⵙⴰⵏ.
ⴷⵉⵏ ⵀⴰ ⵏⵏ ⴰⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵉⵙⴱⵓⵔⵣ ⵜ ⵓⵢⵏⵏⴰ ⵅⴼ ⵎⵉ ⵉⴼⵔⵔⵣ ⵓⵎⴰⴷⴰⵏ ⴰⵎⵖⵔⴰⴱⵉ ⵙⴳ ⵓⵎⵛⴰⴱⴱⴰⴽ ⴷ ⵓⵎⵢⴰⵡⴰⵙ ⴷ ⵜⵙⵏⵜⴰⵢⵉⵏ ⵜⵉⵏⴼⴳⴰⵏⵉⵏ ⵢⴰⵜⵜⵓⵢⵏ ⵏⵏⴰ ⵓⵔ ⵢⴰⴳⴳⵓⴳⵏ ⵅⴼ ⵢⵓⵜ ⵏ ⵜⵎⵜⵜⵉ ⵜⴰⵣⴰⵢⴽⵓⵜ ⴷ ⵢⵓⵏ ⵓⵎⴰⴷⴰⵏ ⴰⵕⵚⵍⵉ ⵉⵜⵜⴰⵡⵙⵙⴰⵏⵏ ⴳ ⵓⵎⵣⵔⵓⵢ ⵏⵏⵙ ⴰⵎⴰⵖⵓⴷ ⵙ ⵉⵣⴰⵍⵉⵡⵏ ⵏ ⵜⵡⵉⵣⵉ ⴷ ⵓⵎⵢⴰⵡⴰⵙ ⴷ ⵓⵙⴼⴰⵙⴽⴰ ⴰⵏⴰⵎⵓⵔ.
ⴳ ⵓⵙⴰⵜⵉ ⴰⴷ ⵉⵙⵙⵎⵖⵔ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵙ ⵓⵍⵜⴰⵖ ⴰⵎⵅⴰⵙ ⵏ ⵇⴰⵃ ⵉⴳⵎⴰⵎⵏ ⵏⵏⵙ ⵉⵎⵛⵛⵉⵡⴰⵕ ⴷ ⵇⴰⵃ ⵉⵙⵓⵜⴰⵢ ⵏⵏⵙ ⴷ ⵉⵎⵙⵖⴰⵏⵏ ⵏⵏⵙ ⴳ ⵜⵎⵀⵍⵜ ⵏ ⵜⵉⴽⴽⵉⵜ ⵏ ⵉⴷⴰⵎⵎⵏ ⵍⵍⵉ ⵙⵓⵍ ⵉⵣⵣⵓⴳⴰⵣⵏ, ⵜⴰⵎⵀⵍⴰ ⵏⵏⴰ ⵏⴷⴷⴰ ⴰⴷ ⵏⵙⵙⵓⴷⵙ ⵙ ⵓⵢⵏⵏⴰ ⵉⵙⵡⵀⵉⵏⵏ ⵉ ⴽⵓ ⵢⴰⵏ ⴰⴷ ⵉⴱⵣⵔ.
ⵖⵉⴽⵍⵍⵉ ⵉⵙⵏⵖⵎⴰⵙ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵎⴰⵙ ⵉⴷⴷⴰ ⴰⴷ ⵉⵙⴰⴷⵎⵔ ⵉ ⵜⵓⵜⵔⴰⵡⵉⵏ ⵏ ⵉⵙⵜⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵛⵛⵉⵡⴰⵕ ⵙ ⵓⵍⵜⴰⵖ ⴳ ⵓⵎⵣⵉⵣⵣⵍ ⵏ ⵜⵉⴽⴽⵉⵜ ⵜⴰⵏⴰⵎⵓⵔⵜ, ⵙⵡⴰ ⵜⴳⴰ ⵜⴰⴽⵎⴰⵎⵜ ⴷ ⵜⵎⵉⴷⵉⵢⵜ, ⵓⵍⴰ ⵙ ⵓⵍⵜⴰⵖ ⵏ ⵜⵎⵙⵖⴰⵏⵉⵏ ⴷ ⵉⵎⵙⵖⴰⵏⵏ ⵏ ⵓⵙⵇⵇⵉⵎ ⴳ ⵓⵙⵏⵎⴰⵍⴰ ⵏ ⵜⵎⵀⵍⵜ ⵏ ⵜⵉⴽⴽⵉⵡⵜ ⵜⵓⴼⵔⴷⵜ ⴷ ⵜⴰⵔⵓⵛⵛⵉⵍⵜ.
ⴰⴷ ⵉⵃⴹⵓ ⵕⴱⴱⵉ ⵜⴰⵎⴰⵣⵉⵔⵜ ⵏⵏⵖ ⴷ ⵓⵎⴰⴷⴰⵏ ⵏⵏⵖ ⵙⴳ ⴽⵓ ⵎⴰ ⴷ ⵉⴳⴰⵏ ⴳⴰⵔ, ⵢⴰⵊⵊ ⴱⴰⴱ ⵏ ⵉⴳⵏⵡⴰⵏ ⴽⵓ ⴰⵅⵓⴱ ⴷ ⵢⵓⵜ ⵏ ⵜⵏⵥⵕⵜ ⵉ ⵜⵎⵜⵜⵉ ⵏⵏⵖ ⴷ ⵓⵎⴰⴷⴰⵏ ⵏⵏⵖ, ⵃⵎⴰ ⴰⴷ ⵉⴼⵔⵔⵣ ⵜⴰⵥⵖⵓⵕⵜ ⵏⵏⵙ ⴷ ⵓⵎⵓⵏ ⵏⵏⵙ ⵅⴼ ⵜⵎⴰⵜⴰⵔⵜ ⵏ ⵜⵎⵜⵜⵉ ⴷ ⵓⵅⴰⵜⴰⵔ ⵏⵏⵙ ⴰⵎⵙⵢⵉⵡⵏ ⴰⴳⵍⴷⵓⵏ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴹⵓ ⵕⴱⴱⵉ ⵢⴰⵡⵙ ⴰⵙ, ⵢⴰⵊⵊ ⵜ ⴰⴱⴷⴰ ⴷ ⵉⵎⵃⴹⵉ ⵉ ⵜⵎⵜⵜⵉ ⵜⴰⵎⵖⵔⴰⴱⵉⵜ ⵜⴰⵏⵓⴼⵍⴰⵢⵜ.
"ⵙⴷⴷⵓⵜ ⵉⵎⵥⵥⵉⴹⵕⵏ ⵍⵍⵉ ⵜⵓⵜ ⵜⵡⴰⵖⵉⵜ ⵉⵏⵉⵏ ⵏⴽⴽⵯⵏⵉ ⵏⴳⴰ ⵡⵉⵏ ⵕⴱⴱⵉ ⴷ ⴷⴰⵔⵙ ⴰ ⵏⵔⴰ, ⵖⵡⵉⵏⵏ ⵉⵚⴰⵃⴰ ⴰⵙⵏ ⵓⵙⴰⵔⵓⴼ ⵙⴳ ⴷⴰⵔ ⵕⴱⴱⵉ ⵏⵏⵙⵏ, ⴷ ⵜⵎⵍⵍⴰ, ⴷ ⵖⵡⵉⵏⵏ ⵏⵜⵜⵏⵉ ⴰ ⵉⴳⴰⵏ ⵉⵎⵙⵙⵓⵖⴰⵍ" ⵉⵖⵥⴰⵏ ⵕⴱⴱⵉ ⴰⴽⵙⵡⴰⵜ.